Saga Garðarsdóttir fyndlistakona; leikkona og uppistandari, leikur af fingrum fram!

Kynnt verða fimm spennandi tilrauna- og þróunarverkefni í tónlistarskólum. Rýnt verður í samstarfsverkefni tónlistarskóla innan skólakerfisins, hvers eðlis eru þau og hvaðan eru þau sprottin?

Í umræðutorgi um nýbreytni í kennslu er skyggnst inn í mismunandi nálganir kennara í tónlistarkennslunni. Flutt verða sex örerindi og í framhaldinu tekur við umræðutorg um málefnið.

Það krefst kjarks að spinna og semja tónlist í hóp. Þátttakendur þurfa sannarlega að finna kjarkinn en ekki síst leiðbeinendur.

Hvaða augum líta kennaranemar og ungir kennarar tónlistarskóla framtíðar?

Í erindinu er sjónum beint að stöðu tónlistarnáms og tónlistarkennslu á okkar tímum. Rýnt er í stöðuna á Íslandi, tónlistarskólakerfið og tónlistarmenntun á háskólastiginu og tengt við þá umræðu sem á sér stað varðandi þróun tónlistarnáms í Evrópu.